花姐(黃慧君)是人氣男子組合MIRROR和ERROR的經理人,所有成員都要聽佢話說,相信令不少「鏡粉」和「錯粉」羨慕,花姐今次接受由蝦頭(楊詩敏)主持的網上節目《絲打圍爐》訪問,還邀請了練美娟擔任客席主持。
同場加映:Jeremy認個性沉實不及其他成員風趣 做貼地偶像喜見媽媽興奮炫耀
提到在花姐眼中,哪一位是萬人迷,花姐說:「我都曾經少女過,曾經都有偶像,我嘅梁朝偉、金城武、張國榮……」蝦頭要她三選一,自言是「外貌協會」會員的花姐表示:「梁朝偉,因為佢實在太靚仔,眼睛太迷人,點解有男人可以靚仔到咁?你會被佢電到毛管戙,我見過佢真人,佢喺我面前行過,你會感覺到『鏗』一聲,但我當時唔夠膽叫佢影相,我都怕羞㗎!至於金城武同張國榮,喺我做PA(助理編導)嘅時候見過。」
Stephen•傾|花姐為保命仔嚴禁大家嗌真名 當年靠一位天王入無綫打工【下一頁】
花姐透露自己在中學年代,試過追星,這人是黃凱芹,她說:「嗰陣時佢同周慧敏做DJ,我哋就喺電台門口等佢。」蝦頭也指自己年輕時試過在商台門口等軟硬天師,她說:「我好鍾意Jan(林海峰),佢有爆牙,我覺得如果鍚佢嘅會好正!當時仲拎住『叱咤新一代』嗰隻黑膠碟,咁就上咗廣播道等,Jan同阿葛都有幫我簽名。」
是滴是友│花姐為工作內疚冇同細仔慶生 「大仔好抗拒有人喺街認得我」【下一頁】
MIRROR、ERROR的16位成員,花姐指自己「眼光最獨到」是揀到Jer(柳應廷),她說:「第一round……呢個男仔冇理由唔入,點知第一round就foul咗佢!見佢喊唔停,我好心痛,佢明明唱得咁好,又咁有夢想,特登辭咗份工嚟參加,跟住有復活賽,救番佢返嚟,後來決定簽男團,我就提起Jer個名。(會議上)大家一齊望住我,話佢個樣好衰,又留鬚又八字眉,但我都夾硬留住佢,因為佢唱歌好好聽。」
提到在MIRROR、ERROR中,選哪個成員做老公、男友和情夫?娟姐好貪心,會選何啟華(阿Dee)和梁業(肥仔)做老公,邱士縉(Stanley)是男友,而吳保錡(保錡)則是情夫。花姐說會以他們的性格來選擇,認為阿Dee做老公最好,她說:「佢好識保護身邊人,又識講笑話,溫柔、個人又率直;男朋友係楊樂文(Lokman)、江𤒹生(Anson Kong),Lokman好照顧人,AK會突然之間有啲浪漫,可惜佢而家鍾情於事業,佢話唔拍拖住,而且我係佢阿媽,唯有等下一世啦;情夫會係193(郭嘉駿),佢應該係好有情趣嘅人,不過唯一唔好就係太高,太容易被人見到,『阿Dee返緊嚟要收埋193』!」
何啟華牛一 花姐隔空送「肉嘴」【下一頁】
此外,在ViuTV節目《爆谷一周》,花姐透露ViuTV董事兼總經理魯庭暉希望MIRROR的歌曲能夠登上美國Billboard排行榜,她說:「我聯絡邊個好呢?我覺得自己好短視,正因為魯生咁有遠見,教我睇遠啲,我就上網搜尋『如何上Billboard』!」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】